ಮೊದಲ ಕನ್ನಡ ತಂತ್ರಾಂಶದ ಬೋರ್ಡ್ ಜನಕ ಕೆ.ಪಿ.ರಾವ್

ನಮ್ಮ ಬಳಕೆಯಲ್ಲಿರುವ KGP ಕೀಬೋರ್ಡ್(ಕರ್ನಾಟಕ ಗಣಕಪರಿಷತ್ ಕೀಬೋರ್ಡ್)ಅಲ್ಪ ಸ್ವಲ್ಪ ಬದಲಾವಣೆಯೊಂದಿಗೆ ಶ್ರೀಯುತ ಕೆ.ಪಿ.ರಾವ್ ಅವರ ಮೂಲ ಕೀಬೋರ್ಡ್ ನ್ನೇ ಆಧರಿಸಿದೆ. ಮೊದಲು ಇದು ಶ್ರೀಲಿಪಿ ಕನ್ನಡ ಸಾಫ್ಟ್ ವೇರ್ ನಲ್ಲಿ ಬಳಸಲ್ಪಟ್ಟಿತು. ಶ್ರೀಲಿಪಿ ತಂತ್ರಾಂಶದಲ್ಲಿ ಯಥಾವತ್ ಕೆ.ಪಿ.ರಾವ್ ಅವರ ಕೀಬೋರ್ಡ್ ನ್ನೇ ಬಳಸಿಕೊಳ್ಳಲಾಗಿದೆ. ಇದು ಬಳಸಲು ಸುಲಭವೇ ಆಗಿದೆ. ಕನ್ನಡ ಉಚ್ಛಾರಣೆಗೆ ಮತ್ತು ನಾವು ಪ್ರಾಕ್ಟಿಕಲ್ ಆಗಿ ಬೆರಳುಗಳನ್ನು ಉಪಯೋಗಿಸುವ ವಿಧಾನಕ್ಕೆ ಇಲ್ಲಿ ಹೆಚ್ಚು ಆದ್ಯತೆ ಕೊಡಲಾಗಿದೆ. ಅಂದರೆ, ಇಲ್ಲಿ ಶಿಫ್ಟ್ ಕೀ ಬಳಕೆ ತೀರಾ ಕಡಿಮೆ. ಬೆರಳುಗಳಿಗೆ ಶ್ರಮವೆನಿಸುವುದಿಲ್ಲ. ಆದರೆ,KGP ಕೀಬೋರ್ಡ್ ಬಳಸುವಿಕೆ ಪ್ರಯಾಸವೆನಿಸಿದರೆ ಉತ್ಪ್ರೇಕ್ಷೆಯೇನಿಲ್ಲ.